Thursday 28 March, 2019

Euskadiko Orkestra Sinfonikoak eta Malandain Ballet Biarritzek ‘Marie-Antoinette’ Château de Versaillesera eramango dute mundu-estreinaldirako

Euskadiko Orkestra Sinfonikoak eta Malandain Ballet Biarritzek ‘Marie-Antoinette’ Château de Versaillesera eramango dute mundu-estreinaldirako

Produkzio berriaren estreinaldia martxoaren 29a eta 31 bitartean izango da Parisko metropoliko eszenatoki entzutetsuan, ‘Opéra Royal: les grands concerts de Versailles’ ziklo prestigiodunaren baitan.

Euskadiko Orkestra Sinfonikoaren Abonu Denboraldian aurre-estreinaldia izan ostean, Opéra Royal: les grands concerts de Versailles ziklo prestigiodunak Malandain Ballet Biarritz eta Euskadiko Orkestra Sinfonikoaren kolaborazio berri honen mundu-estreinaldia iragarri du martxoaren 29tik 31ra.

Hain zuzen, Luis Augusto delfinaren eta Maria Antonieta artxidukesaren arteko ezteiak ospatzeko 1770. urtean inauguratu zuten Versaillesko Errege Operako eszenatokian antzeztuko da lehen aldiz obra hau. Hirugarren aldia da Malandainek eta Orkestrak Parisko metropoliko hiri honetara batera bidaiatzen dutela. 2013an egin zuen Errauskinerekin eta 2015ean Ederra eta Piztiarekin.

Oraingoan, beste emakumezko pertsonaia baten historia bisitatu dugu: Marie-Antoinette. Thierry Malandainen koreografia du eta, horretarako, Joseph Haydnen lau lan hartu ditu musika-oinarri: 6, 7 eta 8. sinfonia goiztiarrak, ezizenez “Goiza”, “Eguerdia” eta “Arratsaldea” hurrenez hurren, baita 73. Sinfonia ere, “Ehiza” deitua. Ikuskizunak Mélanie Levy-Thiébaut orkestra-zuzendaria izango du maistratzat, errepertorio koreografiko eta zinematografikoko espezialista handia.

Euskadiko Orkestraren eta Frantziako 19 zentro koreografiko nazionaletako bat den Malandain Ballet Biarritzen arteko harreman estua artistikoki oso baliozkoa da. Elkarlan horrek osagarriak diren jarduerak garatzen dituzten kultur erakundeen artean sinergiak sortzeak duen garrantzia azpimarratzen du, sinergia hoiek gerora eszenatoki garrantzitsuenetan aurkeztuko diren maila goreneko sorkuntzen garapena ahalbidetzen baitute, gure kulturaren ordezkaritza onena bilakatuz.

 

 

Sinopsia

 

Bi erakundeek elkarlanean prestatutako obra honek Marie-Antoinetteren historia kontatzen du. Erresumako maitagarri gaiztotzat eta bere gaitz guztien erruduntzat jo zuten, bere hilotza eskorga baten barruan, burua hankartean zeramala, eraman aurretik. Bere axolagabekeriagatik, Erregina izateko interes faltagatik, Trianonengatik, bere maitale, limurtze edo diamanteengatik, panfleto eta karikaturetan zabaldutako Gortearen sona galtzeengatik, Iraultzarengatik eta isuritako odolak aurrerapena ekarriko zuen sinesmenarengatik ez balitz, Maria Antonietak bizitza sotil bat izango zuen eta ez zen torturatua hilko. Zer gertatu zen, baina, herri guztiak maite zuen erregina bat jendearen estimua galdu eta gorrotatua hil zedin? Zer gertatu zen monarkiaren ikur zenak bere amaiera azkartzen lagun zezan? Ezinezkoa da galdera konplexu horiei ballet batekin erantzutea. Horrenbestez, Maria Antonietaren bizitza osoa antzezteko ezintasun materialak bultzatuta, balletaren narrazioa eta testuingurua Versaillesera mugatzea erabaki dugu.

 

 

Protagonistak

 

Thierry Malandain

 

80tik gora koreografia egin dituela, dantzaren errepertorio koherentea osatzen jarraitzen du Malandain Ballet Biarritzen zuzendari eta koreografo Thierry Malandainek, Balletari estuki lotua, non gorputz dantzaria, bere indarra, birtuosismo, gizatasun eta sentsualitatea lehenesten dituen.

 

Malandain Ballet Biarritz

 

Malandain Ballet Biarritzen ezaugarri nagusia, aldiz, honako hau: taldea osatzen duten hogeita bi dantzarien espezializazioa teknika klasikoa bada ere beren espresioa garaikidea dela, Thierry Malandainen koreografien bitartez. Malandain Ballet Biarritz ikusle gehien dituzten Europako konpainien artean dago egun: 100.000 ikusle hartzen ditu urteko eta 100 bat ikuskizun eskaintzen ditu, horietako herena atzerrian delarik.

 

Mélanie Levy-Thiébaut

 

Mélanie Levy-Thiébautek (Casablanca, 1964) musika-ibilbide zabal eta oparoa du, eta errepertorio koreografiko eta zinematografikoan espezialista da. Levy-Thiébautek Euskadiko Orkestra Sinfonikoarekin kolaboratu du lehenago ere. 2017ko urrian izan zen, hain zuzen, Babilonia berria (1929) Kosintseven filmari zuzeneko musika jarri zietenean.

Next events

Concerts & Tickets May

1 We
2 Th
3 Fr
4 Sa
5 Su
6 Mo
7 Tu
8 We
9 Th
10 Fr
10 may, 2024 Friday, 19:30 h.
Season concerts Lalo / Dvorak Lina González-Granados Bilbao/Bilbo Buy tickets
Lalo / Dvorak
11 Sa
11 may, 2024 Saturday, 11:00 h.
Miramon Matinées Matinée 14: Bost metalak Donostia Buy tickets
Matinée 14: Bost metalak
12 Su
13 Mo
13 may, 2024 Monday, 19:30 h.
Season concerts Lalo / Dvorak Lina González-Granados Vitoria/Gasteiz Buy tickets
Lalo / Dvorak
14 Tu
14 may, 2024 Tuesday, 19:30 h.
Season concerts Lalo / Dvorak Lina González-Granados Pamplona/Iruña Buy tickets
Lalo / Dvorak
15 We
16 Th
17 Fr
18 Sa
19 Su
20 Mo
21 Tu
22 We
22 may, 2024 Wednesday, 19:30 h.
Season concerts Debussy / Viloria Baldur Brönnimann Vitoria/Gasteiz Buy tickets
Debussy / Viloria
23 Th
24 Fr
25 Sa
25 may, 2024 Saturday, 11:00 h.
Miramon Matinées Matinée 15: Xarma Donostia Buy tickets
Matinée 15: Xarma
25 may, 2024 Saturday, 19:00 h.
Other activities Musikaste. Closing concert Baldur Brönnimann Errenteria Buy tickets
Musikaste. Closing concert
26 Su
27 Mo
28 Tu
29 We
30 Th
31 Fr