Euskadiko Orkestrak Saint-Saëns eta Hosokawaren inguruko disko bana grabatzeari ekingo dio datozen egunotan

Datozen egunotan Orkestrak Naxos disko etxearekin gauzatuko dituen bi proiektu diskografikoen grabaketaren lehenbiziko zatiari helduko dio. Batak, izaera klasikodunak, Saint-Saënsen lanak bilduko ditu eta besteak bigarrenean, Orkestraren alderdi garaikideena erakutsiko du, Hosokawa japoniarraren lanak bilduko baitira bertan. Bietan Jun Märklek zuzenduko Orkestra.

Errepertorio sinfonikoari dagokionean munduan ospe gehien duten disko etxeetako baten eskutik, Euskadiko Orkestra Sinfonikoak nazioarteko konpositoreen lana grabatuko du.

Camille Saint-Saënsen inguruko monografikoan bilduko dira Algérienne, opus 16 eta opus 49 suiteak eta baita Serenade lana ere. Orkestrak Guillermo Pastrana biolontxelojotzailea izango du lankide.

Bigarren diskoak egitasmo berezi bat jasoko du: sortzaile emankorra eta egungo musikan ezin saihestuko erreferentea den Toshio Hosokawaren hainbat obra bilduko dira bertan. Hautatutakoen artean daude Meditation. To the victims of Tsumani, Nach dem Sturm, Klage eta Autumn Wind. Orkestrak bakarlari gailenak izango ditu lagun: Susanne Elmark eta Ilse Eerens sopranoak, Mihoko Fujimura mezzosopranoa eta Tadashi Tajima shakuhachi-jotzailea (japoniar fluta tradizionala).