Thursday 09 March, 2023

Hemiola Laukotea izango da larunbateko Miramongo Matinéearen protagonista

Hemiola Laukotea izango da larunbateko Miramongo Matinéearen protagonista

Euskadiko Orkestraren hari-sekzioko lau musikariz osatutako taldeak Boccheriniren eta Xostakovitxen kuarteto bana eskainiko du larunbat honetan, martxoak 11, 11:00etan, Miramonen. Sarrerak salgai daude 11 eurotan.

Miramongo Matinéeak 22/23 Denboraldiko hamaikagarren hitzorduarekin datoz, kasu honetan Hemiola Laukoteak eskainiko duena, ‘Tirana eta Xostakovitx’ izenburupean, larunbat honetan, martxoak 11, 11:00etan, Miramongo egoitzan. Taldeko lau musikariak Euskadiko Orkestrako kideak dira: Laura Balboa (biolina), Larraitz Oiartzabal (biolina), Delphine Dupuy (biola) eta Gabriel Mesado (biolontxeloa).

 

SARRERAK HEMEN EROSI

 

Hemiola Laukoteak oso ezberdinak diren Boccheriniren eta Xostakovitxen bi kuarteto interpretatuko ditu, mende eta erdi baino gehiagoz denboran barrena banatuak.

Alde batetik, 1792an, Luigi Boccherinik Harirako 4. Kuartetoa konposatu zuen, ‘Tirana’ bezala ezaguna. Ezizenak Espainiako dantza ezagunari egiten dio erreferentzia, horretan oinarritzen baita obraren lehen mugimendua, baina ‘Tirana’ izenarekin ezagun zen Maria del Rosario Fernandez (1755-1803) aktorearekin ere izan dezake zerikusia, urte haietako eszenako erreginetako bat, Goyak birritan erretratatu zuena (1792 eta 1794). Boccheriniren lanak bi mugimendu ditu, 3/8ko presto bat, tema erakargarria eta erritmo aktiboa dituena, eta tempo di menuetto bat, arrapaladako erritmoan amore ematen ez duena, Sol minorreko trio batekin.

Bestalde, Harirako 3. Kuartetoa Dmitri Xostakovitxen konposizio bakarra izan zen 1946an, Bigarren Mundu Gerraren ondorengo lehen bake-urtean. Beethoven Laukoteko kideei eskaini zien obra, eta haiek Ludwig van Beethovenen jaiotzaren 176. urteurrenean estreinatu zuten Moskun, 1946ko abenduaren 16an. Kuarteto honen egitura ezohikoa da, bost mugimendu baititu eta aurreko mugimenduetako temak bukaeraraino gogora ekartzen baitira. Idazkera nahiko zorrotza da, eta haren zati handi bat instrumentuen goiko erregistroetan dago. Xostakovitxek berak kuarteto hau bere lan garrantzitsuenetako bat bezala jotzen zuen.

Sarrera solteak (11€) salgai daude euskadikoorkestra.eus webgunean eta Kursaal Auditoriumeko leihatilan. Gainera, leku librerik geratuko balitz, orkestraren egoitzako leihatilan bertan eros ahal izango lirateke kontzertuaren egunean.

Miramongo Matinéetara eroso joateko, Euskadiko Orkestrak doako autobus-zerbitzua eskainiko dio kontzertua ikustera doazen abonatuei. 10:25ean abiatzen da autobusa Gipuzkoa Plaza 4tik eta geldialdiak egiten ditu Antso Jakituna 18an eta Madril Hiribidea 34an.

Miramongo Matinéeek Kutxa Fundazioaren babesa dute sortu zirenetik.

Next events

Concerts & Tickets April

1 Mo
2 Tu
3 We
4 Th
5 Fr
6 Sa
7 Su
8 Mo
9 Tu
10 We
11 Th
12 Fr
13 Sa
13 april, 2024 Saturday, 11:00 h.
Miramon Matinées Matinée 12: Euskal Herriko Gazte Abesbatza Donostia
Matinée 12: Euskal Herriko Gazte Abesbatza
13 april, 2024 Saturday, 18:00 h.
Music Room Misterioa Donostia
Misterioa
14 Su
14 april, 2024 Sunday, 18:00 h.
Music Room Misterioa Vitoria/Gasteiz Buy tickets
Misterioa
15 Mo
16 Tu
17 We
18 Th
18 april, 2024 Thursday, 19:30 h.
Season concerts Die Ersten Menschen Robert Treviño Bilbao/Bilbo Buy tickets
Die Ersten Menschen
19 Fr
20 Sa
20 april, 2024 Saturday, 19:00 h.
Season concerts Die Ersten Menschen Robert Treviño Bilbao/Bilbo Buy tickets
Die Ersten Menschen
21 Su
22 Mo
23 Tu
24 We
25 Th
26 Fr
26 april, 2024 Friday, 19:30 h.
Season concerts Mozart / Bruckner Marie Jacquot Vitoria/Gasteiz Buy tickets
Mozart / Bruckner
27 Sa
27 april, 2024 Saturday, 11:00 h.
Miramon Matinées Matinée 13: Aurora Quartet Donostia Buy tickets
Matinée 13: Aurora Quartet
28 Su
29 Mo
29 april, 2024 Monday, 19:30 h.
Season concerts Mozart / Bruckner Marie Jacquot Pamplona/Iruña Buy tickets
Mozart / Bruckner
30 Tu
30 april, 2024 Tuesday, 19:30 h.
Season concerts Mozart / Bruckner Marie Jacquot Bilbao/Bilbo Buy tickets
Mozart / Bruckner