Thursday 25 November, 2021

Arima Boskotea izango da larunbat honetako Miramongo Matinéearen protagonista

Arima Boskotea izango da larunbat honetako Miramongo Matinéearen protagonista

Euskadiko Orkestrako hari-sekzioko bost kidek osatzen duten taldeak Mozart eta Mendelssohnen bi bioladun kinteto bana eskainiko du. Matinéea larunbatean izango da, azaroak 27, 11:00etan, orkestraren Miramongo egoitzan, eta sarrerak salgai daude.

Miramongo Matinéeek aurrera jarraitzen dute 21-22 Denboraldiko bosgarren hitzorduarekin, Arima Boskoteak eskainiko duena larunbat honetan, azaroak 27, 11:00etan, Euskadiko Orkestraren Miramongo egoitzan. Taldea osatzen duten bost musikariak Euskadiko Orkestrako kideak dira: Laura Balboa (biolina), Nathalie Dabadie (biolina), Delphine Dupuy (biola), Natacha Dupuy-Scordamaglia (biola) eta Pascale Michaud (biolontxeloa).

Hitzordu berri hau Mozarten 2. Hari-kintetoarekin hasiko da. 1787ko transkripzio bat da, bost urte lehenago idatzi zuen Haize-oktetorako Serenatarena. Mozartek arrazoi ekonomikoengatik egin zuen antza transkripzio hau, baina ez zuen ausaz aukeratu obra dramatiko hau, izan ere, serenata honen tonalitate tragikoa eta kontrapuntuaren erabilera hariaren sonoritate kameristiko hutsei oso ondo egokitzen baitzaie. Horregatik, oso gutxi aldatu zuen jatorrizko obra bertsio honetan.

Ondoren, Mendelssohnen 1. Hari-kintetoa eskainiko du taldeak. Gaztaroko obra bat da, 1826an konposatua, 17 urte besterik ez zituenean. Kintetoa 1830-1832an berrikusi zuen konpositoreak Europan egin zuen bira batean: hasierako minuetoaren ordez intermezzo bat jarri zuen, 1832ko hasieran tuberkulosiak jota hil zen Eduard Rietz bere lagun biolinistaren omenez idatzia.

Sarrera solteak (10€) salgai daude euskadikoorkestra.eus webgunean eta Kursaal Auditoriumeko leihatilan. Gainera, leku librerik geratuko balitz, orkestraren egoitzako leihatilan bertan eros ahal izango lirateke kontzertuaren egunean.

Miramongo Matinéetara eroso joateko, Euskadiko Orkestrak doako autobus-zerbitzua eskainiko dio kontzertua ikustera doazen abonatuei. 10:25ean abiatzen da autobusa Gipuzkoa Plaza 4tik eta geldialdiak egiten ditu Antso Jakituna 18an eta Madril Hiribidea 34an.

Miramongo Matinéeek Kutxa Fundazioaren babesa dute sortu zirenetik.

Next events

Concerts & Tickets June

1 We
2 Th
3 Fr
4 Sa
5 Su
6 Mo
7 Tu
8 We
9 Th
10 Fr
11 Sa
12 Su
13 Mo
14 Tu
15 We
15 june, 2022 Wednesday, 19:30 h.
Other activities BBVA Foundation's Frontiers of Knowledge Awards Robert Treviño Bilbao/Bilbo
BBVA Foundation's Frontiers of Knowledge Awards
16 Th
17 Fr
18 Sa
19 Su
20 Mo
21 Tu
22 We
23 Th
24 Fr
25 Sa
26 Su
27 Mo
28 Tu
29 We
30 Th