Wednesday 16 December, 2020

Tangoa protagonista larunbat honetako Miramongo Matinéean

Tangoa protagonista larunbat honetako Miramongo Matinéean

Euskadiko Orkestrako musikariek osatutako Kuadrilla Lagunak boskoteak Piazzolla eta Gallianoren tangoak interpretatuko ditu Denboraldiko seigarren Matinéean, larunbat honetan, abenduak 19, 11:00etan, Miramonen.

Miramongo Matinéeak 20/21 Denboraldiko seigarrengo hitzordura iritsi dira, kasu honetan Kuadrilla Lagunak boskoteak eskainiko duena, ‘Tango Sensations’ izenburupean, larunbat honetan, abenduak 19, 11:00etan, Miramongo egoitzan. Euskadiko Orkestrako musikariek osatzen dute boskote hau: Anne-Marie Harmat (biolina), Virgile Demillac (biolina), Natacha Dupuy-Scordamaglia (biola), Pascale Michaud (biolontxeloa) eta Anthony Lafargue (perkusioa).

Programa hau Astor Piazzolla konpositore eta bandoneonistaren unibertsora bidaia moduko bat izango da. Etorkin italiarren semea, 1921ean jaio zen Mar del Platan (Argentina) Astor Piazzolla, eta Buenos Airesko tango-orkestretan bandoneonista gisa hasi zuen bere ibilbide profesionala, 17 urte zituela. Buenos Airesen, Anibal Trollo bandoneonista ospetsuaren orkestrako kide zela, moldaketak egiten eta tangoak konposatzen hasi zen. Txikitatik benetako konpositorea izatearekin amesten zuen eta, horretarako, Alberto Ginasteraren eskutik konposizio-klaseak jaso zituen eta sarri Colon Antzokiko Orkestra Sinfonikoaren entseguetara joaten zen. 1954an Fabien-Sevitzky konposizio-lehiaketan lehen saria eman zioten eta Parisen ikasteko beka bat ere lortu zuen Nadia Boulanger pedagogo musikal handiarekin. Pedagogoaren laguntzarekin, zeinak herri-musika inspirazio-iturri bezala erabiltzeko konbentzitu zion, Piazzolla bere konposizioetan estilo propio bat erakusten ahalegindu zen, eta tangoa iraultzea lortu zuen, dantzatik emantzipatutako musika-estilo bereizgarri eta benetako kontzertu-errepertorioan bihurtuz.

Matinée honen programa osatzen duten Piazzollaren lanak garai ezberdinetakoak dira: Tango Ballet, Octeto Buenos Aires taldearen garaikoa, 1957 ingurukoa; eta Five Tango Sensations, bere bizitzaren amaieran konposatutako lana, New Yorkeko Kronos Quartet taldearekin 1989an sortua eta grabatua. Jatorrian bandoneon eta hari-laukotearentzat idatzia, kontzertu honetan entzungo den bertsioan bibrafonorako moldaketa egin du Anthony Lafarguek berak (bandoneona ordezkatuz).

Saioa amaitzeko, Kuadrilla Lagunak taldeak Richard Galliano akordeoilari frantziarraren lana interpretatuko du, Claude Nougaro abeslariarentzat konposatua: Tango pour Claude. Kasu honetan ere bibrafonorako moldaketa Lafarguek egin du.

Indarrean dauden edukiera-mugen ondorioz, ez da sarrerarik salgai jarriko kontzertu honetarako, izan ere, dagoeneko zikloak dituen abonatuekin auditoriumaren edukiera beteta baitago.

Miramongo Matinéetara eroso joateko, Euskadiko Orkestrak doako autobus-zerbitzua eskainiko dio kontzertua ikustera doazen abonatuei. 10:25ean abiatzen da autobusa Gipuzkoa Plaza 4tik eta geldialdiak egiten ditu Antso Jakituna 18an eta Madril Hiribidea 34an.

Miramongo Matinéeek Kutxa Fundazioaren babesa dute sortu zirenetik.

More information

Kontzertuaren fitxa
Next events

Concerts & Tickets March

1 Fr
2 Sa
3 Su
4 Mo
5 Tu
6 We
7 Th
8 Fr
9 Sa
10 Su
11 Mo
11 march, 2024 Monday, 19:30 h.
Season concerts Rachmaninoff / Strauss Riccardo Frizza Donostia / San Sebastián
Rachmaninoff / Strauss
12 Tu
12 march, 2024 Tuesday, 19:30 h.
Season concerts Rachmaninoff / Strauss Riccardo Frizza Pamplona/Iruña
Rachmaninoff / Strauss
13 We
13 march, 2024 Wednesday, 19:30 h.
Season concerts Rachmaninoff / Strauss Riccardo Frizza Vitoria/Gasteiz
Rachmaninoff / Strauss
14 Th
15 Fr
16 Sa
17 Su
18 Mo
19 Tu
20 We
20 march, 2024 Wednesday, 19:30 h.
Season concerts Venegas / Prokofiev Pablo González Donostia / San Sebastián
Venegas / Prokofiev
21 Th
21 march, 2024 Thursday, 19:30 h.
Season concerts Venegas / Prokofiev Pablo González Donostia / San Sebastián
Venegas / Prokofiev
22 Fr
22 march, 2024 Friday, 19:30 h.
Season concerts Venegas / Prokofiev Pablo González Pamplona/Iruña
Venegas / Prokofiev
23 Sa
23 march, 2024 Saturday, 11:00 h.
Miramon Matinées Matinée 11: Aeolia Ensemble Donostia
Matinée 11: Aeolia Ensemble
24 Su
25 Mo
26 Tu
27 We
28 Th
29 Fr
30 Sa
31 Su