Monday 05 August, 2019

Donostiako 80. Musika Hamabostaldian parte hartuz hasiko du Orkestrak 19/20 Denboraldia

Donostiako 80. Musika Hamabostaldian parte hartuz hasiko du Orkestrak 19/20 Denboraldia

Abuztuaren hasierarekin, Euskadiko Orkestra Sinfonikoaren musikariak oporretatik itzuli berri dira, eta Musika Hamabostaldian eskainiko dituzten kontzertuetan dute begirada jarrita.

Orkestrak abuztuaren 13 eta 15ean Pucciniren ‘Madame Butterfly’ opera interpretatuko du, abuztuaren 14an ganbera-formatuko kontzertu bat eskainiko du Getarian eta, amaitzeko, hilaren 24an Ravel, Sorozabal eta Bartoken obrak barne hartuko dituen kontzertu sinfoniko bat emango du.

Merezitako opor batzuen ostean, Euskadiko Orkestra Sinfonikoaren musikariak berriz itzuli dira eszenatokira. Eta, ohikoa den moduan, Musika Hamabostaldian izango duten parte-hartzea izango da abuztu honetako agendako ardatz nagusia.

Larunbatean hasi zituen entseguak Orkestrak Donostiako musika klasiko jaialdian eskainiko duen lehen programarako. ‘Madame Butterfly’ operaz dihardugu, Giacomo Puccini konpositore italiarrarena, Orkestrak abuztuaren 13 eta 15ean 20:00etan Kursaal Auditoriumean eskainiko duena.

Historiako obra ezagunenetakoa den hau interpretatzeko, Euskadiko Orkestra Sinfonikoak Giuseppe Finzi izango du musika-zuzendari eta musikari-zerrenda zabala ere bai, Ainhoa Arteta Cio-Cio Sanen paperean buru duena, eta honakook ere barne hartzen dituena: Marcelo Puente (Pinkerton), Gabriel Bermúdez (Sharpless), Cristina Faus (Suzuki), Paco Vas (Goro), Isaac Galán (Yamadori printzea) eta Fernando Latorre (Bonzo). Valentziako Palau de les Artsen produkzio honetan Easo Abesbatza Mistoa ere igoko da eszenatokira.

Operaren lehen eta bigarren saioen artean, abuztuaren 14an, Euskadiko Orkestra Sinfonikoa Getariara itzuliko da, ganbera-formatuan, Juan Sebastian Elkanok (1476-1526) bere itsasaldi luzea egin zueneko bosgarren mendeurrenean. ‘Musika Aitzaki’ zikloaren baitako kontzertu honetarako, Musika Hamabostaldiak Ángel Illarramendi konpositore zarauztarrari obra bat sortzeko enkargua egin dio, getariarraren mundu-bira ospatze aldera.

Euskadiko Orkestra Sinfonikoak abuztuaren 24an 20:00etan Kursaal Auditoriumean emango duen kontzertu sinfoniko batekin amaituko du bere parte-hartzea Musika Hamabostaldian. Oraingoan Andra Mari Abesbatza izango du ondoan, eta Robert Treviño titularraren zuzendaritzapean Ravel, Sorozabal eta Bartoken lanak eskainiko ditu. Obra hori interpretatzeko, Orkestrak eta Andra Mari Abesbatzak Rinat Shaham mezzosopranoa eta Mikhail Petrenko baxua izango dituzte alboan.

Kontzertuetarako sarrerak salgai daude quincenamusical.eus webgunean.

 

 

Entsegu-toki berria abuztuan

 

Berritasun gisa, jarduerari berriz ekiteko une honetan, Orkestrak entseguak Musikenen hasi ditu eta ez Miramongo Auditoriumean. Izan ere, ohiko entsegu-lekua azken hori izan arren, udako hilabeteetan obretan dago.

Next events

Concerts & Tickets October

1 Tu
2 We
3 Th
4 Fr
5 Sa
6 Su
7 Mo
8 Tu
9 We
10 Th
11 Fr
12 Sa
13 Su
14 Mo
15 Tu
16 We
17 Th
18 Fr
19 Sa
19 october, 2019 Saturday, 11:00 h.
Music Room Mozart, Nannerl eta Lagunak Donostia / San Sebastián Buy tickets
Mozart, Nannerl eta Lagunak
19 october, 2019 Saturday, 12:30 h.
Music Room Mozart, Nannerl eta Lagunak Donostia / San Sebastián Buy tickets
Mozart, Nannerl eta Lagunak
19 october, 2019 Saturday, 19:00 h.
Other activities ABAO: Lucia di Lammermoor Riccardo Frizza Bilbao Buy tickets
ABAO: Lucia di Lammermoor
20 Su
21 Mo
21 october, 2019 Monday, 19:30 h.
Other activities ABAO: Lucia di Lammermoor Riccardo Frizza Bilbao Buy tickets
ABAO: Lucia di Lammermoor
22 Tu
22 october, 2019 Tuesday, 18:00 h.
Other activities XXV Aniversario del Parke Gipuzkoa Donostia / San Sebastián
XXV Aniversario del Parke Gipuzkoa
23 We
24 Th
24 october, 2019 Thursday, 11:15 h.
Music Room School Concerts: Mozart, Nannerl eta Lagunak Donostia / San Sebastián
School Concerts: Mozart, Nannerl eta Lagunak
25 Fr
25 october, 2019 Friday, 19:30 h.
Other activities ABAO: Lucia di Lammermoor Riccardo Frizza Bilbao Buy tickets
ABAO: Lucia di Lammermoor
26 Sa
26 october, 2019 Saturday, 11:00 h.
Miramon Matinées Matinée 3: Josu Okiñena Donostia / San Sebastián Buy tickets
Matinée 3: Josu Okiñena
26 october, 2019 Saturday, 19:00 h.
Other activities ABAO: Lucia di Lammermoor Riccardo Frizza Bilbao Buy tickets
ABAO: Lucia di Lammermoor
27 Su
28 Mo
28 october, 2019 Monday, 19:30 h.
Other activities ABAO: Lucia di Lammermoor Riccardo Frizza Bilbao Buy tickets
ABAO: Lucia di Lammermoor
29 Tu
30 We
31 Th