Thursday 20 December, 2018

Euskadiko Orkestra Sinfonikoak erramun mendibelandaren sei grabaturekin zoriontzen ditu Gabonak

erramun mendibelandaren grabatu-seriea
erramun mendibelandaren grabatu-seriea

Duela hiru urte ekindako bideari jarraituz, urte berri on opatzeko euskal artisten lana erabiliko du aurtengoan ere Euskadiko Orkestra Sinfonikoak.

2015 urtetik, Euskadiko Orkestra Sinfonikoak urtero euskal artisten obrarekin zoriontzen ditu eguberriak. Oraingo honetan erramun mendibelanda artistak La Taller lantegi eta grabatu-galeriaren eskutik egindako sei grabatu originalekin egin du.

erramun mendibelanda margolaria, grabatzailea, ilustratzailea, kartelgilea eta pintura-irakaslea da Euskal Herriko Unibertsitateko Arte Ederren Fakultatean. Erakusketa ugari egin ditu bakarka eta modu kolektiboan artista gisa daramatzan hiru hamarkada baino gehiagotan. Sari eta aintzatespen asko jaso ditu; horien artean nabarmenena 2008ko Grabatuaren Lehen Sari Nazionala da.

Testu honen bidez, mendibelandak grabatu-serie hau deskribatu du:

 

Hauskortasuna: ez gatoz margotzera, sentitzera baizik. Falta, gabezia, oroimenera sarbidea. Oroimenean pentsatzea, berreskuratu ezin dena berreskuratzea. Forma luzangen bertigoa eta emozioa.

Erorialdi luzean jatorrira iristen gara. Erorialdia berdean, erorialdia gastatutako gonaren gris ilunean. Horren azpian zegoen guztia. Ustez ezagutzen ez zenuen maremagnum HANDI hori guztia. Zurekin eraman duzu beti: marra zuzenaren hipersentikortasuna da. Garbia, argia eta posible den guztitik haratago gelditua. Dena da haratago. Wim Mertensek ekartzen dizu, berriz, piano hura, ia usteldutako egurrezko eskola garden ezin zaharrago hartan zegoena. Han ikasi zuen zure amak idazten. Orain zure ondoko ikasmahaian dago eserita. Tintontzi bereko tinta. Hauskortasuna eta hipersentikortasuna. Aintzakotzat hartu behar da, zaindu eta bere musika entzun…

Gal zaitez, erretira zaitez, eror zaitez uzkurtuta eta egin ezazu negar. Ez iezaiozu negar egiteari utzi eta senak bisitatuko zaitu itzal baten gisan. Paperaren testura zimurtsua igurtziz. Dei egin dizu. Erakarri egiten zaitu. Orbana pintura gaineko zure txistua da. Zaurian arnasten duzu.

 

Grabatuak serigrafia bidez egin dira harri-kartoian,  1 mm-eko lodieraduna eta 17,5 x 11,3 cm-ko neurriduna. Grabatu bakoitzaren 1000 aleko edizioa egin da, guztiak artistak sinatuak eta 1etik 1000ra zenbakituak.

Grabatu hauek gehitzen zazkie 2015, 2016 eta 2017an, hurrenez hurren, Orkestrak zorion-agurrean erabilitako Marta Cárdenasen, Zuhar Iruretagoienaren eta Jeleton taldearen lanei.

 

Zorionak eta Urte Berri On!

Next events

Concerts & Tickets June

1 Sa
2 Su
3 Mo
4 Tu
5 We
6 Th
7 Fr
8 Sa
9 Su
10 Mo
10 june, 2019 Monday, 20:00 h.
Season concerts Failure or victory Robert Treviño Bilbao/Bilbo
Failure or victory
11 Tu
11 june, 2019 Tuesday, 20:00 h.
Season concerts Failure or victory Robert Treviño Pamplona/Iruña
Failure or victory
12 We
13 Th
13 june, 2019 Thursday, 20:00 h.
Season concerts Failure or victory Robert Treviño Vitoria/Gasteiz
Failure or victory
14 Fr
15 Sa
16 Su
17 Mo
17 june, 2019 Monday, 19:30 h.
Other activities BBVA Foundation's Frontiers of knowledge awards Robert Treviño Bilbao
BBVA Foundation's Frontiers of knowledge awards
18 Tu
19 We
20 Th
21 Fr
22 Sa
23 Su
24 Mo
25 Tu
26 We
27 Th
28 Fr
29 Sa
30 Su