Euskadiko Orkestrak "Roberto Devereux" interpretatuko du ABAO-OLBEren denboraldian

Azaroaren 21, 24, 27 eta 30ean, Euskadiko Orkestra Euskalduna Jauregiko zulogunera itzuliko da, ABAO-OLBEren 64. Denboraldian aritzeko. Josep Caballé-Domenech-ek zuzenduta, G. Donizettiren Roberto Devereux interpretatuko du. Denboraldiko bigarren opera honetako abeslari-taldeko buru dira Gregory Kunde eta Elena Mosuc.

Gaetano Donizettiren Roberto Devereux operak isten du konpositore italiar horren "Tudor zikloa" eta "Erreginen trilogia" delakoa. Kantarien laukote protagonista Gregory Kunde, Elena Mosuc, Clementine Margaine eta Vladimir Stoyanovek osatzen dute eta Euskadiko Orkestra Sinfonikoa Josep Caballé Domenechen aginduetara ariko da zulogunetik. Eszenatokian, Mario Pontiggia eszena zuzendariak Ópera de Las Palmas-ACOrako sortutako ekoizpena; izaera klasikodun eszenaratze honek eduki dramatiko itzela du zenbait pasartetan.