"sinfokids"-ekin lana eraginkorragoa egiteko material didaktiko berria

Eskuragarri dago jada SINFOKIDS eta SINFOKIDS 2 gure dvdekin ikasgelan egiten diren jarduerak osotzeko prestatu dugun material didaktiko berria (euskaraz). Euskadiko Orkestraren Hezkuntza dpartamentuak garatutako baliabide hauek irakasleentzeko materiala eta ikasleentzako fitxak biltzen dituzte.

Baliabide hauek Sinfokids dvdei probetxu pedagogiko zabala ateratzeko izan dira sortuak. Lehenik bi DVDtan irakaslearen materiala dena ikusiko duzu. Hauetako atal bakoitzak, lau orrialde izango ditu gehienetan eta lehenengoan atalaren aurkezpena ikusiko duzu. Bigarrenean, atala ikusi aurretik lantzeko fitxa bat. Hirugarrena, atala ikusi ondoren lantzeko fitxa bat eta azkenik irakasle bakoitzak bere oharrak egiteko fitxa. Bestetik, ikasleekin erabiltzeko material fotokopiagarria dago. 

Era berean, ez ahaztu, material honetaz gain, baduzuela Sinfokids DVDan jarduera osagarri gehiago biltzen dituen artxibo bat. Material hau gustokoa eta erabilgarria izango zaizuelakoan gaude.

SINFOKIDS. Lehen Hezkuntzako publikoari zuzendua eta DVD bakoitzak bost unitate ditu; baita kontzertu oso bat ere. Lehengoaren kasuan, "Haydn... bizitza oso bat" eta bigarrenean, "Bat guztiontzat eta guztiok batentzat".

Sinforen paperean Iñaki Telleria dugu; aktore, aurkezle eta musikari hau, Perkusioan goi-mailako tituluduna da eta egun perkusionista da Barakaldoko Udal Musika Bandan.

Pernan Goñi ilustratzailea da, Arte Ederretan lizentziatua eta irakaslea eta berak egin ditu Sinfokidseko marrazkiak.

Mikel Cañadarena da Sinfokids materialaren jatorrizko ideia eta Euskadiko Orkestraren Musika Gelako koordinatzailea da.

Azkenik, eskuartean duzun material honen egilea, Eli Arabaolaza da. Magisteritza musikalean diplomatua eta Psikopedagogian lizentziatua dena. Euskadiko Orkestraren Musika Gelako kolaboratzailea eta irakaslea.

More information