Euskadiko Orkestraren Eskola Kontzertuetarako izena emateko epea zabalik
![Euskadiko Orkestraren Eskola Kontzertuetarako izena emateko epea zabalik](https://en.euskadikoorkestra.eus/sites/default/files/noticias/inscripcion_escolares_ose.jpg)
Datorren 2013/2014 ikasturterako, Euskadiko Orkestraren Musika Gelak Eskola-haurrentzako hiru Kontzertu-sail programatu ditu, Donostiako Udaleko Hezkuntza Atalarekin lankidetzan. Lehen, Bigarren eta Haur Hezkuntza mailetara bideratuak. Harizko orkestra eta bere errepertorio dotorea dira Lehen Hezkuntzako ikasleei zuzendutako lehen kontzertuaren protagonistak. Bigarren Hezkuntzarako pentsaturiko piano eta orkestrarako kontzertu handi batek Erromantizismoaren mundu sutsuan barneratuko gaitu, eta txikienentzat Barrokoan kokaturiko ikuskizun bat, musika eta antzerkia uztartzen dituena.
Eskola kontzertu hauetara etortzeko izena emateko epea urriaren 18ra arte egongo da zabalik. Eskola haurrentzako Kontzertu hauetako batetara bertaratu nahi duten ikastetxeek Donostiako Udalaren Hezkuntza Sailaren bidez eman behar dute izena 2013ko urriaren 18a baino lehen, telefonoz (943 48 14 02) edo posta elektronikoz (hezkuntza_educacion@donostia.org). Ikasle bakoitzeko prezioa 3 € izango da. Informazio gehiago www.donostiahezkuntza.org webgunean.
Eskola haurrentzako Kontzertuetara joateko, ezinbesteko baldintza izango da ikastetxeko musika-irakaslea dagokion Irakasleentzako Tailerrera bertaratzea.
Concerts & Tickets September
![](https://en.euskadikoorkestra.eus/sites/default/files/styles/large/public/concierto/zinemaldia_1.png?itok=B-EbI0KW)