Aldaketak Abonu-Denboraldiko laugarren programan

François Leleuxen bertan behera uztea dela-eta (Manuel Hernández-Silvak orkezkatuko duen Andrés Orozco-Estradaren bertan behera uzteari gehituta), Euskadiko Orkestra Sinfonikoaren Denboraldiko laugarren Abonu-programaren egitaraua honako hau izango da: I. Stravinskyren "Pulcinella", W.A. Mozarten 35. Sinfonia (Haffner) eta P.I. Tchaikovskyren "Romeo eta Julieta". Azaroaren 8an eta 9an Donostiako Kursaal Auditorioan eta 10ean Bilboko Euskalduna Jauregian.

Manuel Hernández-Silva, zuzendari gonbidatua. Andrés Orozco-Estrada ondoezik dagoela-eta, Manuel Hernández-Silva maisua izango da kontzertu hauetan Euskadiko Orkestra zuzenduko duena. 2055 eta 2012 urte bitartean Córdobako Orkestraren zuzendari titular, nazioarteko orkestra ugari zuzentzera gonbidatu dute, horien artean Wiener Symphoniker, Israel Symphony, Nord-Tchechische Philharmonie, Venezuelako Orkestra Sinfonikoa, Seoul Philharmonic, Prague Radio Symphony Orchestra, Puerto Rico-ko Orkestra Sinfonikoa edo Mexicoko Orkestra Sinfoniko Nazionala. Espainiako orkestra gehienak ere zuzendu ditu. Hezkuntzaren arloan jarduera ugari burutzen du, orkestra zuzendaritza eta interpretazio nazioarteko ikastaroak eta hitzaildiak eskainiz.

Orkestraren moduan, Tolosako Titirijai Jaialdiak ere, 30 urte betetzen ditu aurten. Horrenbestez, txotxongilo munduan horren garrantzitsua den arte komediako pertsonaira salto eginez, Polichinelarengana, Orkestrak pertsonaia honen inguruan sortutako lana interpretatuko du eta Titirijaiek, berriz, azaroaren 8an eta 9an bere ibilbidea azaltzen duten 30 kartel zintzilikatuko ditu Kursalean, castelet eta Topic-ek duen txotxongilo bildumarekin batera.

Kontzertuen egitaraua P.I. Tchaikovskyren Romeo eta Julieta piezako obertura-fantasiak osotuko du, R. Straussen Macbeth obra ez baita interpretatuko.