Thursday 25 February, 2010

HARPAREN INGURUKO PROGRAMA IZANGO DA LARUNBATEKO MATINÉEAREN FUNTSA

“Raveldik hasi eta Debussyraino” izenburupean, Debussyren Flauta, biola eta harparako sonata eta Ravelen “Sarrera eta allegroa” delako harpa, flauta, klarinete eta hari-laukoterako septetoa izango dira entzungai.

Larunbat honetan otsailak 27 goizeko 11etan, Orkestraren Miramongo egoitzan Miramongo Matinéeak zikloaren emanaldi berri bat izango da, oraingoan harpa protagonista dela. "Raveldik hasi eta Debussyraino" izenburupean, Debussyren Flauta, biola eta harparako sonata eta Ravelen "Sarrera eta allegroa" delako harpa, flauta, klarinete eta hari-laukoterako septetoa izango dira entzungai. Musikari gazte baina eskarmentudunek osatutako taldea (gehientsuenak Euskadiko Orkestrako kideak dira) izango da larunbat goizean Miramonera hurbiltzen den entzulegoari partitura interesgarri hauek aurkeztuko dizkiena.

Matinée honetan arituko dira Bleuenn Le Friec harpajole frantziarra, Espainiako gazte Orkestrako eta Gustav Mahler Jugend Orchester delakoaren kidea; Boris Grelier flauta-jolea, Parisko Orkestrako, Tolosako Capitole Orkestrako edo OBCren lankide dena; Sara Zufiaurre, Euskadiko Orkestrako klarinete-jolea; Cristina Lixandru eta Ortzi Oihartzabal biolinjoleak, Orkestraren lankidea bata eta kidea bestea; Delphine Dupuy, EOSeko biola bakarlaria eta, amaitzeko, Gabriel Mesado, EOSeko biolontxelo bakarlaria.

MIRAMONGO MATINÉEAK. "Raveldik hasi eta Debussyraino"
Larunbata, otsailak 27, 11.00etan. Orkestraren Egoitza Miramonen

Next events