Hizkuntza Unibertsala, Euskadiko Orkestraren goiburua 2013/2014 Denboraldirako
"Musika benetako hizkuntza unibertsala da". Carl Maria Von Weber konpositorearen aipu hau printzipio adierazpen bilakatzen da orain, musikak kultur elkartrukerako zein hezkuntzarako tresna integratzaile gisa duen balio intenporala aldarrikatuz Euskadiko Orkestra Sinfonikoari 2013/2014 Denboraldian bultzada gisa baliogarri izango zaion baieztapena. Denboraldi berria Orkestraren Miramongo egoitzan aurkeztu berri da komunikabideen aurrean. Prentsaurrekoan Eusko Jaurlaritzako Kultura Sailburuorde Joxean Muñoz, Orkestraren Zuzendari Printzipal Gonbidatua Andrey Boreyko eta Zuzendari Nagusia Iñigo Alberdik programazio berriaren xehetasunak agertu dituzte.
Mundu osoko melodia eta hitzak, garai guztietakoak, artista handiek eszenatokira eramango dituztenak. Musikaren arloko, eta denboraldi honetan bereziki, baita literatura zein antzerkiko izen garrantzitsuak. Melodia eta hitz anitz izango dira, orain unibertsaltasunaren oihartzun bihurturik.
Orkestrak ezin konta ahala musika-ordu eskainiko ditu: Abonu Denboraldia (programazioaren ardatz nagusia), Miramongo Matinéeak, Musika Gelak sustatutako hezkuntza zein gizarte jarduerak, KlasikAT, grabaketak eta OLBE, Donostiako Musika Hamabostaldia, Zinemaldia, Musika-Música, Le Temps d'Aimer la Danse kultur ekimenetan esku hartzea. Guzti hau Orkestrak eskakizun zein kalitate maila gorenetik ezaugarri duen aniztasunaren erakusle izango da. Eskaintzaren aniztasuna, helburu duen entzulego anitzari erantzuteko; Euskadiko Orkestra Sinfonikoa berau sustatzen duen gizartearena baita, askotarikoa den gizartearena; horrela erakusten dute Orkestraren kontzertuetarikoren batera joan, bere grabaketak erosi edo bere ibilbidea webgunearen edo sare sozialen bidez jarraitu duten milaka pertsonek.
Concerts & Tickets May
